請注意，以下內容含嘔心成份，反胃者小心閱讀。
昨天工作了一整天，到差不多六時便跑到洗手間去準備閃走。方便過後便很有公德心的沖廁（讓本小姐告訴你，公司中有好幾個同事在沒廁所水時是不會沖廁的！對！我看不見，但聽得到嘛！），同時感到有東西從口袋中跌出來。低上頭找了十數秒後，猛然記得，我的那個prosays粉盒不就是正正在我口袋嗎？連忙摸摸口袋，shit！不見了！心想：「求求你啊！請告訴我不是粉盒跌了出來啊．．．」懷著戰戰兢兢的心情，向坐廁探頭一看．．．頂！澎湃的浪製造了巨大又不停止的漩渦，正把本小姐的粉盒捲了又捲，我彷彿聽到那可憐的粉盒大聲哀嗚，伸手向我呼救！而本小姐眼巴巴的看著這個震撼的畫面而無能為力，頓時感到自身的有限．．．
待洪水靜止後，本小姐呆在坐廁旁想了又想，究竟要不要拯救我的粉盒呢？「執返佢啦，成幾百蚊架．．．」「唔係呀？伸隻手落去！？」「怕咩唧，鹹水黎之嘛，你都沖咗廁啦。」「但呢個係廁所黎喎」「你唔執返好衰仔唧，一間塞廁所就死啦！冇乜人用呢個牌子，一睇就知你係兇手啦．．．」結果在一輪掙扎後，本小姐深深的吸一口氣，舉起勇氣之手探進水口撩回粉盒！！！事實上，我的身體不停的起雞皮，真的好嘔心啊！
okay okay，好歹撩回粉盒，本小姐又覺得不甘心，決定褪去它的絨套，看看粉盒的損壞程度。整個盒全是水，掀開盒蓋，只是海綿已喝飽了水，而粉底的表面也濕透了！本小姐看得心痛．．．立即別過頭去，一手扔進垃圾桶裡去。同時，也立即擠出一噸皂液洗手！
＋＋＋＋＋＋＋＋＋＋
本小姐正為買哪一個牌子的粉底苦惱撞牆中。姊妹們，你有好介紹嗎？
Subscribe to:
Post Comments (Atom)
2 comments:
XDDDD 笑死咗~
如果係我,我唔會淘手執呀,可能出去搵下有冇膠袋之類既野,隔住D廁所水執,感覺良好D~
買番呢隻牌子咪得囉,勝在有難忘的回憶嘛!HAHAH
當時嗰刻我個腦停咗啦, 仲邊有咁理智咁識搵膠袋笠住隻手喎.....撩完之後, 真係想好似蛇咁脫皮呀!!!
唔好啦.....我需要 d 時間去忘記呢個經歷 XDDDDDD......btw, 買咗 GA, 遲少少 share 一下啦~
Post a Comment