口 音 and more

可能真的由於磁場問題，身邊常發生別人覺得十分有趣的事情（其實有時候作為當事人的本小姐一點也不覺得有趣囉）．．．有人說應該記錄下來，好讓以後有機會翻看時大笑一番；但本小姐卻怕有頭威冇尾陣，開了頭卻再也再沒有料子可寫，那就無謂啦。但是最近發現很多有趣對話，而且相信一直還有的（hopefully），值得多開個標籤好好收藏起來。請注意，以下對話只為紀錄，請勿胡亂對號入座，如有雷同純屬巧合。如閣下有幸成為主腳別介意，笑點越見更高的地球需要你來拯救！

（一）你來自何方
眾人等上廁所，排在本小姐後面的兩名婦女閒聊
A：丫，聽你口音應該係外省人，邊度人士呀？
B：我呀．．湖南呀．．
A：係？岩岩落黎香港呀？
B：唔係呀，黎咗六、七年喇
A：吓？六、七年？！都仲講到咁呀？
B：哈哈（苦笑），可能黎香港前喺深圳一排掛．．．
A：識得個街坊佢都係湖南人，落咗黎半年咋，講得不知幾靚！好靚！點解你講到咁架？
B：．．．．．．．．．．唔知喎．．
（註：明顯兩名均來自內地，惟A說話帶有輕微口音，B的則超級強勁！基本上講十句只有半句中的數個字聽得懂！問題異常嚴重！）一直在聽，覺得A看似很努力的挖苦B，但事實上他們真的只是閒話家常。究竟平日是我們想得太多，還是她們把話說得太直接？

（二）有啥分別
「上課」後，身為導師的D以問"any question"作結，怎料．．．
C：嗯，我有問題，究竟「國」同「國度」有咩分別？
D：（呆掉）．．．．（但裝鎮定的解釋）求先咪講咗囉（下刪之前己提及的內容）
這令見慣大場面的陳生和本小姐也不禁失笑！大佬，問問題請問得smart一點！有求知慾，不錯是好的，但錯問問題只會顯得一個人的無知程度。或者，一本字典會幫到此君。

同場加映：＜舞出真我3D＞（即陳生口中的＜舞（／冇）出色＞！！）其中一個笑位
操有俄語口音英文的孖仔：Oh! I like your accent!
操有中文／日文口音的女子：Oh! I don't have accent!（with超強口音！！）
雖這是蔭中的笑位，但由於有其上的口音對話事件，陳生跟本小姐笑得特別落力！crazy！哈哈哈哈哈！