積 極 粉 紅 男

友人們常說本小姐頻頻遇到奇怪的經歷，還怨沒有我這樣幸運（真的嗎？），沒想到今天去打網球發生了「積極粉紅男」事件，令所有人大感驚恐。以下轉載了最大受害者－友人r的手記（為了保護一干受害者，本小姐已安排化名給他們）：

＋＋＋＋＋＋＋＋＋＋

係21/6,晚上六時至八時,荃灣海濱公園的網球場......

我地一班人約左係度打波,打打下,突然間有個粉紅恤男子坐係隔離,我同友人a當時唔係打緊波,淨係羅住個網球黎玩,之後朋友男就走過黎,怒聊我傾計,呢個新朋友,原來來自廣州,初頭以為佢只係問個太極班係咪係網球場度舉行(果陣我都想問佢,你見我地係唔係耍緊太極),咁答左幾句,應該都會走啦,點知佢越講越興奮,又話佢係係city讀緊進修課程,又話係做緊貿易公司,又話搬左黎荃灣一兩個月,唔係on角住(佢真係講on角,我唔係歧視佢D廣東話唔正,但係我覺得佢呢種積極進取真係利害),呢頭D體育設施全部唔知,想打球都無得打,跟住我好心咁話你上網check la, 去康文署都好多野玩,講講下,我估佢又想結識一D新朋友,突然哨向我另一個朋友燕姐（按：即本小姐）度,話好熟口面,係咪係長沙灣政府合署見過佢,燕姐當然無理佢啦,咁我亦都醒水話佢一定認錯,佢從來無係果度出沒過,之後佢同我講,我地咁岩傾,不如留個電話方便聯絡,我就以內儉為由婉拒左佢,果多陣,我乘機出去打波,咁朋友男亦都跟住出左去第二度,並問我會唔會繼續係度,我亦都敷衍左佢一句,係啦,跟住我就飛出去打波,出左去球場,見到友人w俾佢搭膊頭,果陣我都覺得呢個來自廣州積極男真係有一套~~

跟住我番番去椅子旁,當然走去同朋友們談論呢個"新朋友",結論都係覺得佢係好"aggressive",果陣我D打波心情已經下降了,但俾佢纏左咁耐梗係要搵地方發泄,所以即刻諗住個波係朋友男,大大力咁奮激落去,心情有D舒暢,但係因為個朋友男講過"I will be back", 我個心都係驚驚地,不停咁望住個度門,恐防佢突然間殺出黎,點知個積極粉紅男係大概十五分鐘又番番黎,果陣其實我好支力,但係我唔想番去受死,所以友人a (化名alan)就幫我做替死鬼....我真係好想打完場,但奈何體力不繼,唯有繼續呢段"孽緣",始終佢又唔係鬧人搞事,只係想識朋友,又好難直接趕走佢....之後果十五分鐘佢不停游說我俾contact detail 俾佢,包括手提電話,email,甚至問我羅卡片,同埋羅公司電話 (=,=''')',佢話可以識多個人打波,又話可以去深水土步搵我(果陣我筆名係Kalvin),並話我戒心重,唔係俾聯絡資料佢,我好仁慈咁同佢講,四海之內皆兄弟,有緣千里能相聚,但佢都係死纏難打!!shit!!

後尾,我既策略就係我不停問佢野等佢答,盡量避開佢問既問題,佢問我邊度做野,我話係港島區,佢再問邊度,我話係果度啦,我同佢玩佢想玩既野"耍太極", 當然,為左等佢識更多朋友,我介紹佢上討論區,因為我有時會上uwants,所以就俾左個香港討論區俾佢,叫佢係果度識朋友!!!朋友唔應該響一個其他人已booked 的網球場識!!!同埋我介紹埋個康文署呢個term俾佢,等佢參加下D野,book下場,唔駛星期六下晝無所事事,做邊青,日青,夜青,毒男.......好在,佢無跟埋我地食飯,如果唔係我實嘔番出黎......今次呢躺"口的服務",真係嘆為觀止,可歌可泣....我好相信,友緣人都一定好岩佢!!佢做sales 一定前途無可限量....

希望大家都有機會遇到呢位荃灣的新朋友(Andy),案發地點係21/6,晚上六時至八時,荃灣海濱公園的網球場......

＋＋＋＋＋＋＋＋＋＋

友人r，這天真的辛苦你喇！若不是你，我們也不知如何跟這名積極男糾纏。綜觀今天一役，友人r和a最能忍耐失常的環境，友人w目標最清晰，便是打網球！而本小姐和友人d最置身事外，二人坐在一角高談闊論，又偷聽一下友人r跟積極粉紅男的有趣對話！（很差吧？哈哈）而事實上，我們一行四名男子跟我一名女子心裡害怕得很咧．．．從上文便知，這名粉紅男非常的鍥而不捨，硬想跟我等成為「好朋友」。沒有人這樣子結交朋友吧？可能大陸文化不同，香港一定不會是這樣的咧。

荃灣，果真是一個特別的地方！下次不如到其他地區探險囉～