忽 然 下 大 雨

今早出門口時天陰陰的，但想著公司已有兩把傘便不欲多帶一把，於是勇敢出門。在過橋搭k basu途中已下了幾滴，幸好不太嚴重。當到了灣仔站後，天仍是灰灰的，本小姐只好努力的加快腳步行呀行，希望早點回到公司。誰知，走到半路中途時，竟然下雨下得像倒水的樣子．．．囧orz．．．大得完全是不能再前行，只好停在路邊．．．嗚嗚，當時身已濕，裙子已變半透明了（我有著底裙的，一定冇蝕底！），正好在旁有名大哥手握著雨傘！此時他在本小姐眼中就像有個光環在他頭頂一樣，然後抽一口氣問他說：「先生，我去xx架，你順唔順路呀？如果順嘅話可唔可以遮埋我呀？冇帶遮好慘呀．．．（作扁咀狀）」「噢，我去yy架，可以遮埋你喎～」

雨，一直的下，並越下越大，路因下雨人人撐傘而變窄，走在全都是水的馬路上一點也不好受．．．此時，我們開始聊起來．．．

「呀，天文台今朝七回九先話雷暴，唔駛佢講啦而家我都知啦」男子說。

「係啦，好大雨」一心只想快點回到公司減少濕身面積的本小姐回應道。

「呀，我姓李架，你返xx架？」

「係呀」

「你返幾點架？」

「九點啦（正確黎講係九點十二分）」

「咦？咁仲有時間丫，不如去食個早餐丫我地？」

「（心諗：我地？你傻架？）哈，我食咗先出門口架」

「唔緊要啦，我地會再見架，我都係返xx n樓架」

「（心諗：吓？你求先又話返yy？而家一個街口就話返我樓上？）係呀？係囉，搭埋同一部笠喎．．．」

「係架，你忙唔忙架？不如一陣晏晝出去食飯丫？」

「唔好意思呀，帶咗飯喎」
「咁聽日丫？」

「聽日約咗人喇都」

「嗯，有冇卡片呀你？我地交換丫，咁咪有聯絡方法囉～」

「（心諗：39唔識7，你冇野呀？）哈，冇帶喺身添（有我都唔俾啦）」

時為已入大廈並已有笠了，即衝入笠！到了m樓即跑出去，而這層不是要去的層數。其實該位先生是好人來的，不過本小姐對人極有戒心！嗚嗚，你知道嗎？這李先生令我想起了心戰中的邵美琪啊！巧驚驚！