淺 談 幾 句

（一）豪溫書
終於．．．終於要請無薪假！極度無奈．．．一直以為自己有十四天年假的本小姐，終日請假無度，而且毫不眨眼，好些同事也以為本小姐的假期多得可以派街坊呢～誰知，有咁耐風流就有咁耐折墮（睬睬睬！），由於要應付這周日的考試，本小姐也得豪一天的薪金去請一天假來溫書！希望不會溫書溫到變成睡寶寶，浪費了寶貴的假期啦．．．

（二）消化不良碎紙機
早前公司大執位，原先兩部勁量碎紙機不翼而飛，換回來的是一部微型版。雖則本小姐用食紙機的機會少，但總要用的呀，就像今天收拾桌面時發現竟有一疊不知名的公司註冊文件，為免私隱外洩，便怱怱的拿出去碎掉。（對呀，連位置也轉了，要食紙就要去lobby；亦即是說，人家出入lift時我也可以跟他說句出入平安啦．．．）怎料，食紙機一次不能吃多於三張紙，放兩張也發出一陣陣的怪叫．．．而且速度極慢，像是告訴你說：「喂，我勁飽，咪再質我食野！」um，只數十張紙，它竟食了本小姐至少五分鐘，多謝晒！大佬，可否換回一部消化系統正常的食紙機呢？好煩啊！

（三）膠袋稅語錄
話說七月七日開始徵收膠袋稅，對一眾平時貪方便狂拎膠袋的人無疑是一項挑戰；不過本小姐深信大家一定不會跟自己荷包作對，今天開始就乖乖的帶備環保袋咯～之不過，方才到超市買蝦條時，收銀機前有以下對話－
收銀員（狂嘟，因顧客購買大量罐裝啤酒）：先生，而家政府要收膠袋稅，所以每個膠袋要．．．
顧客：五毫子嘛！
收銀員：咁先生你有冇帶．．．
顧客：冇呀，俾我啦！
收銀員：咁一個要．．．
顧客：點呀？我俾唔起呀？（！）（排隊中的顧客，包括本小姐，即時凸眼！well，好勁！）
收銀員（狂入十數罐啤酒到一個膠袋中）：多謝你幾多幾多錢丫，已經包埋呢一個袋嘅五毫子架喇。（終於講到一句完整句子）
顧客：俾得一個我？而家俾唔起咩？（掟出一蚊！！！）俾多個我！（！！！）

香港太多燥狂人，相信自此以後必定很多有關膠袋稅的爆語錄。