話說今早如常地坐在一角，突見一人忽然強力閃身，一個屎忽大力坐下，發出「bomb」的一聲，這一下已令本小姐頭上長了問號。Okay，這也見怪不怪，妖車上常有妖魔怒玩爭櫈仔．．．此女妖孽勁睇報紙，每掀一頁時手踭也猛力的撞向身邊的兩名人士（即包括本小姐啦），okay這我也忍你！好女不與顛婦鬥，唯有將自己摺埋再瑟縮一邊。但妖孽的確是妖孽，接下來的車程還有好戲。
看飽了報紙，接下來是港女最愛的車上美容了。這下子可夠厲害，一手拔掉眼鏡，再一手伸進袋中亂摷，掏出的計有：防曬／粉底液／bb cream（？）（題外話：日前友人問本小姐說究竟bb cream是否嬰兒才可用？笑死我！）、眉筆、唇膏，最強勁的是手指當胭脂！意即用雙手使勁的搣自己的臉豬（OMG！），令其臉色天然地紅潤（！）。妖孽的舉動實令人太側目，作為一名正常的人類，本小姐忍不住斜睥了她數下。高處未算高，妖孽也百寶袋中找出一把剃刀來（！）（點呀？咁大個化妝袋呀小姐？），俯身解決小腿上並舉高雙臂解決多餘的毛毛（爆爆爆爆爆爆爆爆爆爆爆爆爆爆！）。嘩！大佬！你叫本小姐如何忍笑呀？可憐的我，既不能大笑，又按捺不住要偷望，還要避開跌下來的毛！我想當時一定是忍笑至臉容扭曲．．．救命！天呀！新界真係好多奇人異士囉．．．囧orz！
2 comments:
嘩!可怕到極點!剃毛?!!!!!!
咁啱我上星期白蘭氏交稿寫咗d人喺車度化妝,如果早知有人剃毛,我一定加埋落去!激爆!.....話時話,我一定彈開,然後搵個位拍低佢放youtube!
妖車上無奇不有，只要耳聽八方一眼關七，一定唔會悶親！
拍片．．．呢個念頭成日都出現，但我驚到時片拍唔到，仲俾人一野fing甩個電話．．．嗯，賠了夫人又折兵啦。
Post a Comment